Кириш
 
  • 18:14 – Хонанда Муниса Ризаева жамоат жойида ниқобсиз юргани учун жаримага тортилди 
  • 00:44 – Россияда коронавирус юқтириб олиш бўйича 61 та янги ҳолат қайд этилди 
  • 00:39 – Ўзбекистонда коронавирусга чалинганлар 45 нафарга етди 
  • 14:29 – "Ўзбекистон ҳаво йўллари» ўзининг ўнлаб парвозларини бекор қилди 

Колумбия университети профессори Азиза Шоназаровага Шарқшунослик институти фалсафа доктори унвони берилди

Азиза Шоназарова пойтахтимизнинг Қорақамиш даҳасида вояга етиб, Тошкент шарқшунослик институтида, кейинчалик Польша ва АҚШдаги машҳур университетларда таълим олган. 32 ёшида тарих ва диншунослик йўналишида фан доктори бўлган. Куни кеча Президентимиз томонидан “Дўстлик” ордени билан мукофотланди.

Тошкент давлат шарқшунослик институтида Инновацион ривожланиш вазирлиги ташаббуси билан Ўзбекистон Республикаси Президенти Администрацияси, мамлакатимизнинг АҚШдаги элчихонаси ҳамкорлигида ўзбеклар орасида биринчи бор АҚШдаги Колумбия университети профессори бўлган ёш олима билан учрашув ташкил этилди.


Азиза илмий иш билан бирга чет эллик талабаларга дарс беради. Дастлаб Индиана университетида дарс бериш фаолиятини бошлаган, кейин Станфорд университетида лектор даражасида ўз фаолиятини давом эттирди. Оксфорд университети Исломшунослик марказининг илмий тадқиқотчиси ҳисобланиб, у ерда ҳам маърузалар ўқийди. АҚШ, Европа ва Осиё мамлакатларидаги бир қанча етакчи университетлар ва илмий марказлар билан ҳамкорлик қилади.


Учрашувда Азиза Шоназаровага Шарқшунослик институтининг тарих фанлари бўйича фалсафа доктори (PhD) унвони топширилди. Рус, инглиз, турк, араб, форс, немис, француз, поляк тилларини пухта эгаллаган ёш олима Ўзбекистонда кенг жамоатчилик вакиллари, олимлар, ёшлар билан учрашишни режалаштирган. Ёшларнинг илм-фанга меҳрини ошириш мақсадида Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ва Мирзо Улуғбек номидаги ихтисослаштирилган давлат умумтаълим мактаб-интернати ўқувчилари билан ҳам суҳбат ўтказиши кутилмоқда.

Фикрингизни билдиринг
  • Изоҳлар
  • Энг кўп ўқилган
  • Тавсия